"Fənərbaxça" "Yuventus"un hücumçusu ilə maraqlanır

Edin Ceko ilə vidalaşmaq istəyən "Fənərbaxça" transferdə Duşan Vlahoviçə üstünlük verib.

Operativ Media xəbər verir ki, bu barədə "Sabah" qəzeti məlumat yayıb.

“Yuventus”un maliyyə xərcləri səbəbiylə gələn mövsüm heyətdə düşünmədiyi Duşan Vlahoviç üçün 50 milyon avro tələb etdiyi bildirilir.

Xəbərlərdə "Fənərbaxça"nın Duşan Vlahoviç üçün 40 milyon avro ödəməyə hazır olduğu bildirilib.

"Fənərbaxça"nın Vlahoviç transferini En-Nesirinin satışı ilə reallaşdıracağı gözlənilir.