İnzaqi: "Yamal 50 ildə bir üzə çıxan istedaddır"

"İnter"in baş məşqçisi Simone İnzaqi Çempionlar Liqasının yarımfinal mərhələsinin ilk oyununda "Barselona" ilə 3:3 hesablı heç-heçə etdikləri oyundan sonra kataloniyalı hücumçu Lamine Yamalın çıxışını dəyərləndirib.

Operativ Media xəbər verir ki, o, Yamalın oyununa heyran olduğunu gizlətməyib.

"Lamin 50 ildə bir dəfə yaranan istedaddır və onu yaxından görəndə məni heyran etdi. Futbolçularımın etdiklərinə həqiqətən də heyran oldum. Onlar ona qarşı iki və ya üç dəfə çox çalışdılar".

Mayın 6-da Çempionlar Liqasının yarımfinal mərhələsinin “İnter”lə “Barselona” arasında cavab oyunu keçiriləcək. Görüş Bakı vaxtı ilə saat 23:00-da başlayacaq.

Bu mövsüm 17 yaşlı Yamal bütün yarışlarda 49 matçda 15 qol vurub və 24 məhsuldar ötürmə edib .