"Qarabağ"ın futbolçusu mövsümün rekorduna imza atdı

"Qarabağ"ın futbolçusu Amin Rzayev Misli Premyer Liqasında 2024/25 mövsümünün rekorduna imza atıb.

Operativ Media Ağdam təmsilçisinin rəsmi saytına istinadən xəbər verir ki, 33-cü turun “Sumqayıt”la görüşündə meydana çıxan müdafiəçi mövsümün ən gənc futbolçusu olub.

O, Premyer Liqada 15 yaş 204 günlüyündə debüt edib. 2009-cu il oktyabrın 12-də anadan olan Rzayev bu göstəricidə mövsümün yeni rekordçusu olub.

Qeyd edək ki, “Qarabağ” “Sumqayıt”la ev oyununda 2:0 hesablı qələbə qazanıb.