Türkiyədə yeni mövsümün “transfer pəncərəsi”nin vaxtı bəlli oldu

Türkiyədə 2025/2026 mövsümündə “transfer pəncərəsi”nin açılış və bağlanış vaxtı açıqlanıb.

Operativ Media xəbər verir ki, bu barədə Türkiyə Futbol Federasiyasının mətbuat xidməti məlumat yayıb.

Qardaş ölkədə yay transfer dönəmi 2025-ci il iyunun 30-da başlayacaq və sentyabrın 12-də yekunlaşacaq.

Qış “transfer pəncərəsi” isə 2026-cı il yanvarın 5-də açılacaq və fevralın 10-na qədər davam edəcək.