"Liverpul"un hücumçusu Məhəmməd Salah Futbol Yazıçıları Assosiasiyası (FWA) tərəfindən İngiltərədə ilin futbolçusu seçilib.

Operativ Media xəbər verir ki, forvard 21-ci əsrdə rekord 90% toplayıb və karyerasında üçüncü dəfə mükafatın qalibi olub. O, daha əvvəl 2018 və 2022-ci illərdə İngiltərədə ilin futbolçusu seçilib.Bu mövsüm 32 yaşlı misirli bütün turnirlərdə 49 oyun keçirib, 33 qol vurub və 23 məhsuldar ötürmə edib. Salah "Liverpul"la birlikdə vaxtından əvvəl İngiltərədə çempion olub.

Qeyd edək ki, futbolçu komanda ilə 2027-ci ilə qədər yeni müqavilə imzalayıb .