"Araz-Naxçıvan" klubunun aşağı yaş qruplarında məşqçi kimi çalışan Ruslan Əmircanov İspaniyanın məşhur "Real Madrid" akademiyasının qonağı olub.

Operativ Media xəbər verir ki, sabiq futbolçu bu haqda sosial media hesabında paylaşım edib.

Təəssüratlarını bölüşən Əmircanov səfərinin onun üçün olduqca dəyərli və unudulmaz bir təcrübə olduğunu bildirib:

"Real Madrid" akademiyasının qonağı oldum. Mənim üçün çox möhtəşəm bir təcrübə idi. U-14 və U-11 komandalarının məşq prosesini izlədim. Uşaqların məşqə yanaşmaları, düşüncə tərzləri, məşq zamanı verdikləri tez və düzgün qərarlar, eləcə də yaşlarının az olmasına baxmayaraq tamamilə peşəkar olmaları məni heyran etdi".

O, Azərbaycanda da istedadlı uşaqların olduğunu qeyd edib.

"Bizim akademiyalarda da istedadlı uşaqlar var. Əgər hamımız bir olub, hər birimiz öz işimizlə ciddi şəkildə məşğul olsaq, futbolumuz da inkişaf edər. Sadəcə olaraq, bunu ürəkdən istəmək və bu yolda əzmlə çalışmaq lazımdır," – deyə o əlavə edib.