Ançelotti: "Alonso gələcəkdə böyük məşqçi olmaq üçün lazım olan hər şeyə malikdir"

"Real Madrid"in baş məşqçisi Karlo Ançelotti Madrid klubunda baş məşqçi postunda onun yerinə keçə biləcək Xabi Alonsonun perspektivlərini yüksək qiymətləndirib.

Operativ Media xəbər verir ki, bu haqda "Mundo Deportivo" Ançelottidən sitat gətirib.

"Onu çox qiymətləndirirəm, amma ona məsləhət verəcək heç nəyim yoxdur. O, gələcəkdə böyük məşqçi olmaq üçün lazım olan hər şeyə malikdir".

Mayın 12-də Braziliya Futbol Konfederasiyası Ançelotti ilə müqavilə imzaladığını açıqlayıb. 65 yaşlı italiyalı mayın 26-da Braziliya millisi ilə çalışmağa başlayacaq.Daha əvvəl "Bayer" Alonsonun cari mövsümün sonunda klubdan ayrılacağını açıqlamışdı.

Alonso 2022-ci ilin oktyabr ayından "Bayer"i çalışdırır. İspan futbolçunun rəhbərliyi altında Leverkuzen klubu 2023/24 mövsümündə tarixində ilk dəfə Almaniya çempionluğunu qazanıb. Komanda ölkə kubokunu və Superkubokunu da qazanıb.