"Sportinq"in hücumçusu Viktor Qyokeres karyerasını İngiltərədə davam etdirə bilər.

Operativ Media xəbər verir ki, jurnalist Con Krossun X sosial şəbəkəsində verdiyi məlumata görə, "Arsenal" 26 yaşlı isveçli ilə müqavilə imzalamaqda maraqlıdır.

Mənbənin sözlərinə görə, forvard həftəlik 240 min avro almaq istəyir ki, bu da onu klubda ən çox maaş alan futbolçulardan birinə çevirəcək.

Qyokeres bu mövsüm bütün turnirlərdə 50 matçda 52 qol vurub və 13 məhsuldar ötürmə edib.