Azərbaycan millisinin Ukrayna yığması ilə matçının yeri müəyyənləşib

Azərbaycan milli komandasının dünya çempionatının seçmə mərhələsində Ukrayna yığması ilə keçirəcəyi ev oyununun yeri və başlama vaxtı müəyyənləşib.

Operativ Media xəbər verir ki, bu barədə AFFA-nın mətbuat xidməti məlumat yayıb.

D qrupunun II turu çərçivəsində sentyabrın 9-da Bakıda təşkil olunacaq görüş Tofiq Bəhramov adına Respublika stadionunda oynanılacaq. Matç saat 20:00-da başlayacaq.