La Liqanın 36-cı turunda "Malyorka"ya (2:1) vurulan qol "Real"ın hücumçusu Kilyan Mbappe üçün Madrid komandasının forması ilə 40-cı qol olub.

Operativ Media xəbər verir ki, 26 yaşlı fransız klub tarixində debüt mövsümündə bu qədər qol vuran ilk futbolçu olub. Mbappenin aktivində La Liqada 28, Çempionlar Liqasında 7, Kral Kubokunda 2, Qitələrarası Kubokda, İspaniya Superkubokunda və UEFA Super Kubokunda 1 qolu var.

O, həm də İspaniya futbolunda ilk mövsümündə 40 və ya daha çox qol vuran ikinci oyunçudur. Əvvəllər bunu yalnız braziliyalı Ronaldo bacarmışdı, 1996/97 mövsümündə "Barselona" ilə ilk mövsümündə 47 qol vurmuşdu.

Portuqaliyalı hücumçu Kristiano Ronaldo "Real Madrid"də ilk mövsümündə 33 qol vurub.