Məhkəmə "Real Madrid"in müdafiəçisi Raul Asensio və onun Madrid klubunun gənclərdən ibarət üç keçmiş komanda yoldaşına qarşı cinayət işi açıb.

Operativ Media xəbər verir ki, bu haqda "Marca" nəşri məlumat yayıb.

Futbolçular yetkinlik yaşına çatmayan qızın razılığı olmadan onun iştirak etdiyi intim videonu çəkib yaymaqda ittiham olunublar. Asensiodan başqa, Andres Qarsiya və Xuan Rodrigesə qarşı da ittihamlar irəli sürülüb.

Qeyd olunur ki, hadisə 2023-cü ildə baş verib. Zərərçəkənin anasının sözlərinə görə, futbolçulardan biri 16 yaşlı qızı ilə video çəkib, sonra isə messencer vasitəsilə yayıb.

Asensio 2024-cü ildə "Real Madrid"də debüt edib. Bu mövsüm 22 yaşlı müdafiəçi qol vurmadığı bütün turnirlərdə 51 oyun keçirib.