"Fənərbaxça"nın baş məşqçisi Joze Mourinyo Portuqaliya millisini çalışdıra bilər.

Operativ Media xəbər verir ki, bu haqda "HT Spor" məlumat yayıb.

Mənbənin məlumatına görə, 62 yaşlı mütəxəssis Portuqaliya Futbol Federasiyası ilə ilkin müqavilə imzalayıb. Mourinyonun iyunun əvvəlində Millətlər Liqasının finalından sonra Portuqaliyaya rəhbərlik edəcəyi gözlənilir.

Əvvəllər bildirilirdi ki, Mourinyo “Fənərbaxça” ilə müqaviləsi bitəndə Portuqaliya millisinə rəhbərlik edə bilər, lakin Portuqaliya Futbol Federasiyası təcrübəli məşqçinin komandaya indi kömək edə biləcəyinə inanır.

Mourinyo 2024-cü ildən "Fənərbaxça"ya rəhbərlik edir. Məşqçilik karyerası ərzində heç vaxt milli komandalarla işləməyib.

Portuqaliya millisi Millətlər Liqasının pley-off mərhələsinin yarımfinalında Almaniya ilə qarşılaşacaq. Qarşılaşma iyunun 4-də baş tutacaq.