"Lester"in hücumçusu Ceymi Vardi yüksək səviyyədə çıxışını davam etdirə biləcəyinə inanır.

Operativ  Media xəbər verir ki, 38 yaşlı futbolçu “Sky Sports”a müsahibəsində karyerasını davam etdirəcəyinə şübhə etmədiyini qeyd edib.

" Futbol çılğın bir dünyadır. Nə baş verə biləcəyini heç vaxt bilmirsən. Ayaqlarım dayanmağımı söyləyənə qədər davam edəcəyəm. Ayaqlarım yaxşıdır", - deyə o bildirib.

Mərkəz hücumçusu 2024/25 mövsümündə "Lester" in heyətində 35 oyunda 9 qol vurub və 4 məhsuldar ötürmə edib . Onun klubla müqaviləsi 30 iyun 2025-ci ilə qədərdir. Vardi 2012-ci ildən "Lester" də çıxış edir .

"Lester" 2024/25 mövsümünün sonunda Premyer Liqanı tərk edəcək. Çempionatın bitməsinə iki tur qalmış komandanın 36 matçdan sonra 22 xalı var.