"Real Madrid"in baş məşqçisi Karlo Ançelotti "Barselona"nı La Liqa çempionu olması münasibətilə təbrik edib.

Operativ Media xəbər verir ki, “Barselona” 36-cı turda səfərdə “Espanyol”a qalib gələrək (2:0) İspaniya çempionu olub .

Ançelotti "Barselona"nın çempionluğa layiq olduğunu bildirib.

"Barselona" parlaq çıxış etdi və təbrik edilməlidir. Onlar liqanın ən stabil komandası idi və çox gözəl futbol oynayırdılar. Bəli, onlar bu ada layiq idilər. Növbəti mövsüm fərqli bir hekayə olacaq", - deyə o bildirib.

2024/25 mövsümündə "Barselona" İspaniya kubokunu və Superkubokunu da qazanıb. Kataloniyalılar tarixdə ikinci dəfə hər üç kuboku qazana biliblər.