Polşa indiyə qədər Ukraynaya göndərdiyi T-72 tanklarının sayını açıqlayıb.

"Operativ Media" xəbər verir ki, bu barədə Polşanın Baş naziri Mateuş Moravietski Stokholmda isveçli həmkarı Kristerssonla keçirdiyi mətbuat konfransı zamanı deyib.

Baş nazirin sözlərinə görə, Polşa Ukraynaya 250 T-72 tankı tədarük edib və daha 60 modernləşdirilmiş T-72 və PT-91 "Tvardi" və 14 "Leopard" tankı göndərməyə hazırlaşır.

Polşa hökumət başçısı bildirib ki, onun ölkəsi fəal şəkildə Ukraynaya dəstək verməyə davam edəcək.