Milli Məclisin Elm və təhsil komitəsinin sədri Anar İsgəndərov, Gənclər və idman komitəsinin sədri Şahin İsmayılov və Müdafiə, təhlükəsizlik və korrupsiya ilə mübarizə komitəsinin sədri, Gürcüstanla parlamentlərarası əlaqələr üzrə işçi qrupunun rəhbəri Arzu Nağıyev iyunun 3-də Gürcüstana səfər edəcəklər. 

Operativ Media xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsi məlumat yayıb.

Millət vəkillərimiz səfər çərçivəsində Gürcüstan parlamentinin müvafiq komitələrində görüşlər keçirəcəklər. Görüşdə parlamentlərarası əlaqələrin inkişaf prespektivləri barədə fikir mübadiləsi aparılacaq. 

Səfər iyunun 4-də başa çatacaq.