Rubio: ABŞ istehsal gücünü itirdiyinə görə Çindən asılı vəziyyətə düşüb

Soyuq müharibənin başa çatmasından sonra ABŞ könüllü şəkildə istehsal gücündən imtina edərək özünü potensial rəqiblərdən, o cümlədən Çindən asılı vəziyyətə salıb.

Operativ Media xəbər verir ki, bu fikri ABŞ dövlət katibi Marko Rubio mayın 3-də qeyri-hökumət analitik mərkəzi olan “Amerika Kompası” tərəfindən təşkil olunan konfransda səsləndirib.

Onun sözlərinə görə, SSRİ-nin dağılmasından sonra ABŞ-də belə bir fikir üstünlük təşkil edib ki, “iqtisadi məsələlərdə dövlət suverenliyinin artıq əhəmiyyəti olmayacaq” və “hansı məhsulun harada istehsal olunmasının fərqi yoxdur”.

Rubionun fikrincə, ABŞ-də istehsalın başqa ölkələrə köçürülməsinin “tamamilə normal” sayılması belə yanaşmanın nəticəsidir.