Bu ilin yanvar-may aylarında Azərbaycanın Gürcüstan ilə ticarət dövriyyəsinin ümumi həcmi 2024-cü ilin eyni dövrünə nisbətdə 19,1 faiz artaraq 330,2 milyon dolları üstələyib.

Operativ Media bu barədə Dövlət Gömrük Komitəsinə istinadən xəbər verir.

Azərbaycandan Gürcüstana ixrac 278,8 milyon dollar (+15,3 faiz), Gürcüstandan Azərbaycana idxal 51,4 milyon dollar (+44,9 faiz) təşkil edib.

Cari ilin ilk beş ayının nəticələrinə görə, ölkənin ümumi ticarət dövriyyəsində Gürcüstan ilə ticarətin payı 1,57 faiz təşkil edib.