ADY sədri Rövşən Rüstəmov Pekində “Çin Dəmir Yolları” Dövlət Korporasiyasının prezidenti Sun Syudo ilə müzakirələr aparıb.
Operativ Media ADY-yə istinadən xəbər verir ki, tərəflər Çin və Azərbaycan arasında nəqliyyat və logistika üzrə əməkdaşlığın tranzit daşımalardan və multimodal həllərdən tutmuş infrastrukturun inkişafı və proseslərin rəqəmsallaşdırılmasına qədər geniş spektri əhatə etdiyini vurğulayıb.
Səmərəli əməkdaşlıq nəticəsində iki ölkə arasında dəmiryol nəqliyyatı ilə daşınan yüklərin həcmi 47% artaraq 612 min ton təşkil etdiyi və ilin sonunadək Orta Dəhlizlə Çindən Azərbaycana 400-dən çox blok-qatarın qəbulu gözlənildiyi qeyd olunub.
Şəkil Qalereyası
