Ermənistan Zəngəzur dəhlizinin beynəlxalq şirkətin nəzarətinə verilməsinə qarşı çıxmayacaq - AÇIQLAMA

Ermənistan hakimiyyəti Cənubi Qafqazda nəqliyyat marşrutlarının açılması çərçivəsində Zəngəzur bölgəsindəki yolun beynəlxalq təşkilatın idarəsinə verilməsinə etiraz etməyəcək.

Operativ Media xəbər verir ki, bu barədə Ermənistanın xarici işlər nazirinin müavini Mnaçakanyan Safaryan “Azadlıq Radiosu”nun Ermənistan xidmətinə açıqlamasında bildirib.

Onun sözlərinə görə, əgər bu təşəbbüs rəsmi İrəvanın açıqladığı prinsiplərə tam uyğun olarsa və tərəflər razılığa gələrsə, üçüncü tərəfin həmin ərazidə fəaliyyət göstərməsi mümkündür.