Böyük Britaniyada ukraynalı futbolçu Mudrik sürücülük vəsiqəsindən məhrum edilib

İngiltərənin “Çelsi” klubunun yarımmüdafiəçisi Mixail Mudrik altı ay müddətinə sürücülük vəsiqəsindən məhrum edilib.

Operativ Media bu haqda "Evening Standard"a istinadən xəbər verir.

Mənbənin sözlərinə görə, bu qərara səbəb Mudrikin idarə etdiyi BMW M8 markalı avtomobilin sürət həddini aşması olub. Ümumilikdə, bu, il yarım ərzində futbolçu üçün qeydə alınan 13-cü yol hərəkəti qaydası pozuntusu olub.

Fevralda 24 yaşlı ukraynalı 2024-cü ilin dekabr ayının sonunda məlum olan müsbət dopinq testinə görə "Çelsi"nin oyunlarından kənarlaşdırılıb. Mudrikin qanında meldonium aşkar edilib.

İyun ayında Futbol Assosiasiyası (FA) yarımmüdafiəçini antidopinq qaydalarını pozmaqda rəsmən ittiham edib.