"Monterrey"in müdafiəçisi Serxio Ramos "Qremmi", sonra isə məşqçi kimi Çempionlar Liqasını qazanmağa ümid etdiyini etiraf edib.

Operativ Media xəbər verir ki, o, bu haqda İspaniya mətbuatına açıqlama verib.

"Mən optimistəm. Həmişə insanlara xəyal qurmağı söyləyirəm. Mən özümü hər ikisində görürəm: həm məşqçi kimi Çempionlar Liqasını qazanmaq, həm də bundan əvvəl də yaxın bir neçə ildə "Qremmi" mükafatını qazanmaq. Həyatımın bu nöqtəsində musiqi ilə məşğul olmaq, təcrübələrimi insanlarla bölüşmək istəyirəm. Növbəti beş-yeddi ildə özümü daha çox musiqi ilə məşğul olduğumu görürəm".

Avqustun sonunda 39 yaşlı ispaniyalı Madriddə "Real Madrid" azarkeşlərinin klubun qələbələrini qeyd etdikləri ziyafətin şərəfinə "Cibeles" adlı ilk trekini elan edib.