"Seltik" nigeriyalı hücumçu Keleçi İheanaçonu heyətinə qatıb.

Operativ Media xəbər verir ki, bu haqda klubun mətbuat xidməti məlumat yayıb.

28 yaşlı futbolçu ilə bir illik müqavilə imzalanıb və bir mövsüm uzadılması mümkündür. "Sevilya" klubu sentyabrın əvvəlində İheanaçonun getdiyini açıqlayıb. O, İspaniya klubunda 11 oyun keçirib, 3 qol vurub.

İheanaço bundan əvvəl “Midlsbro”, “Lester” və “Mançester Siti”də də çıxış edib.