"Uşaqlıqda "Çelsi"nin azarkeşi olmuşam".

Operativ Media xəbər verir ki, bunu"Çelsi"nin yeni transferi Alexandro Qarnaço klubun mətbuat xidmətinə açıqlamasında deyib.

"Uşaqlıqda Premyer Liqaya baxırdım. Eden Hazarddan xoşum gəlirdi, ona görə də "Çelsi"ni dəstəkləyirdim. O, örnək idi, onun üslubu əla idi. Ona görə də mən eyni mövqedə oynayıram", - Qarnaço qeyd edib.

21 yaşlı argentinalı avqustun 30-da “Çelsi”yə keçib.Qarnaço “Mançester Yunayted”in akademiyasında yetişib. O, "qırmızı şeytanlar"ın heyətində 144 oyun keçirib, 26 qol vurub və 22 məhsuldar ötürmə edib.