Gəncədə köşk yanıb

Gəncədə yanğın olub.

Operativ Media-nın məlumatına görə, hadisə şəhərin Poçt qəsəbəsində baş verib.

Qəsəbədə yerləşən vətəndaşa məxsus dəmir konstruksiyalardan ibarət köşk anidən yanmağa başlayıb. Dərhal hadisə yerinə FHN-nin yanğınsöndürən avtomobilləri və canlı qüvvəsi cəlb edilib.

Yanğın zamanı dəmir konstruksiyalardan ibarət olan köşk yanaraq külə dönüb.

Yanğın söndürülüb, yaxınlıqdakı tikililər yanğından mühafizə edilib. Yanğının başvermə səbəbləri araşdırılır.