Lamin Yamal pasportunu Türkiyədə itirdi

İspaniya millisinin hücumçusu Lamin Yamal dünya çempionatının seçmə mərhələsində Türkiyə ilə oyundan (6:0) sonra pasportunu itirib.

Operativ Media xəbər verir ki, oyun Konya şəhərində baş tutub.

Türkiyə mətbuatının yaydığı məlumata görə, forvard millinin avtobusunun yanında uzun müddət çamadanda sənədlər axtarıb. Daha sonra otelə qayıdıb və axtarışlarını burada davam etdirib. Komanda Yamalı bir saatdan çox gözləyib. Bir müddət sonra "Barselona"nın cinah oyunçusu nəhayət komanda ilə ayrılıb, lakin pasportunu tapa bilməyib. Futbolçunun Türkiyədən necə uçacağı məlum deyil.