Ukrayna millisinin qapıçısı: Azərbaycanla heç-heçə etmək biabırçılıqdır

Ukrayna millisinin qapıçısı Anatoli Trubin DÇ-2026-nın seçmə mərhələsində Azərbaycan yığması ilə Bakıda heç-heçə (1:1) etdikləri oyunla bağlı danışıb.

Operativ Media xəbər verir ki, görüşdən sonra Ukrayna mətbuatına müsahibə verən qolkiper nəticəni biabırçılıq adlandırıb: 

"Nə təəssürat ola bilər ki? Bu, biabırçılıqdır. Mən belə düşünürəm. Çox pis nəticədir. Çünki biz bu cür oyunları, bu cür rəqibləri mütləq udmalıyıq. Nə baş verir, necə olur, fərq etməz. Əgər biz irəliləmək istəyiriksə, qələbə qazanmalıyıq. Hər kəs fərdi olaraq bu barədə düşünməlidir. Növbəti toplanış həlledici olacaq. Ona görə də düşünməliyik".

Qeyd edək ki, ilk turda Fransaya 0:2 hesabı ilə uduzan Ukrayna millisinin 2 oyuna 1 xalı var.