Modriçin qolu "Milan"a "Bolonya" üzərində qələbə qazandırıb

İtaliya A Seriyasında 3-cü turun oyunları keçirilir.

Operativ Media xəbər verir ki, "Milan" evdə "Bolonya" klubunu qəbul edib.

Matç "qırmızı-qaralar"ın 1:0 hesablı qələbəsi ilə yekunlaşıb.

Qarşılaşmada yeganə qolu 61-ci dəqiqədə meydan sahiblərinin yarımmüdafiəçisi Luka Modriç vurub.

“Milan” növbəti turda səfərdə “Udineze” ilə qarşılaşacaq. Qarşılaşma sentyabrın 20-də baş tutacaq. Həmin gün “Bolonya” doğma meydanda “Cenoa” ilə qarşılaşacaq.