UEFA reytinqi: "Qarabağ" Azərbaycanın xal ehtiyatını artırdı

UEFA Çempionlar Liqasında Liqa mərhələsinin ilk turunun görüşlərindən sonra ölkələrin reytinqini yeniləyib.

Operativ Media xəbər verir ki, Azərbaycan çempionu “Qarabağ” ötən gecə “Benfika” üzərində tarixi qələbə (3:2) qazanmaqla, ölkəmizin əmsallar cədvəlində xal ehtiyatını artıra bilib.

Qurban Qurbanovun komandası tarixi uğur sayəsində qazancımızı 0,500 əmsal artırıb. Nəticədə Azərbaycanın cari mövsümkü reytinqi 4,375-ə, son 5 ildəki göstəricisi isə 21.500-ə çatıb.

Bununla bellə, Azərbaycan UEFA reytinqindəki mövqeyi dəyişməz qalıb. Ölkəmiz sıralamada 26-cıdır. Bir addım öndəki Serbiyanın 22.125, təqibçimiz Slovakiyanın isə 21.375 əmsalı var.

Qeyd edək ki, UEFA reytinqinə 95.450 əmsalla İngiltərə liderlik edir.