Braziliyada daşqın və torpaq sürüşməsi nəticəsində ölənlərin sayı 65-ə çatıb

Braziliyanın San-Paulu əyalətində leysan yağışların səbəb olduğu sel və torpaq sürüşmələrində ölənlərin sayı artıb.

"Operativ Media" xəbər verir ki, Sao Paulo əyalət rəsmilərinin verdiyi açıqlamaya görə, 18 fevraldan bu yana sel və torpaq sürüşməsi nəticəsində həyatını itirənlərin sayı 65-ə yüksəlib.

Axtarış-xilasetmə işlərinin tamamlandığı əyalətdə zərərin qiymətləndirilməsi işlərinə başlanılacaq.