"Barselona"nın futbolçusu 4-5 aylıq sıradan çıxdı

"Barselona"nın yarımmüdafiəçisi Qavi uzun müddətə sıradan çıxıb.

Operativ Media xəbər verir ki, 21 yaşlı futbolçu medial menisk zədəsini aradan qaldırmaq üçün artroskopiya əməliyyatı keçirib. Bərpa müddətinin təxminən 4-5 ay davam edəcəyi gözlənilir.

Daha əvvəl futbolçu eyni dizindən çarpaz bağların qopması səbəbindən təxminən bir il meydana çıxa bilməmişdi.