13-21 sentyabr tarixlərində Xorvatiyanın paytaxtı Zaqrebdə keçirilən güləş üzrə dünya çempionatı Azərbaycan yığması üçün uğurlu nəticələrlə yadda qalıb.

Operativ Media xəbər verir ki, yığmamız ümumilikdə 8 medal qazanıb: 1 qızıl, 2 gümüş və 5 bürünc. Bu nəticə medalların sayına görə son 10 ilin ən yaxşı göstəricisi olub. Azərbaycan ümumi medal sıralamasında 5-ci yeri tutub.

Komanda nəticələri

Yunan-Roma güləşi – 89 xal, 2-ci yer (ardıcıl 5-ci il ilk “üçlükdə”).

Sərbəst güləş – 83 xal, 4-cü yer (xal sayında rekord, son 10 ilin ən yaxşı göstəricisi).

Azərbaycan həmçinin ardıcıl 8-ci dəfə dünya çempionatında qızıl medal ənənəsini davam etdirib.

Tarixi göstəricilər

Müstəqillik illərində böyüklər arasında dünya çempionatlarında Azərbaycan güləşçiləri ümumilikdə 103 medal qazanıb: 23 qızıl, 36 gümüş, 44 bürünc.

Dünya çempionatlarında medal qazanan idmançılarımızın sayı 53-ə çatıb.

Eldəniz Əzizli qazandığı 7-ci medal ilə Azərbaycan güləşində vahid liderə çevrilib.

Ülvü Qənizadə ardıcıl ikinci dəfə dünya çempionu olaraq tarixi uğura imza atıb.

Zaqreb 2025-də medal qazanan güləşçilər

Ülvü Qənizadə (72 kq) – qızıl

Həsrət Cəfərov (67 kq) – gümüş

Giorgi Meşvildişvili (125 kq) – gümüş

Eldəniz Əzizli (55 kq) – bürünc

Nürəddin Novruzov (61 kq) – bürünc

Arseniy Djioyev (86 kq) – bürünc

Osman Nurmaqomedov (92 kq) – bürünc

Murad Əhmədiyev (97 kq) – bürünc

Azərbaycan dünya çempionatları tarixində ümumi medal sıralamasında 13-cü pillədə qərarlaşıb.