Rabiot Modriç haqqında: "40 yaşında necə 90 dəqiqə belə qaça bildiyini anlamıram"

"Milan"ın yarımmüdafiəçisi Adrien Rabiot komanda yoldaşı, yarımmüdafiəçi Luka Modriçin çıxışı ilə bağlı təəssüratlarını bölüşüb.

Operativ Media xəbər verir ki, bu haqda DAZN məlumat yayıb.

"Luka ilə oynamaq asandır, çünki tempi necə idarə etməyi bilir, düzünü desəm, 40 yaşında necə 90 dəqiqə belə qaça bildiyini başa düşmürəm. O, futbol oynamağı sevir və meydanda olmaqdan həzz alır; müdafiə etməyi, hücum etməyi, hər şeyi etməyi sevir. Bu komandanın oyunu çox yüksək səviyyədədir", deyə o qeyd edib.

40 yaşlı xorvat Modriç 2025/26 mövsümündə 6 matçda bir qol vurub və bir məhsuldar ötürmə edib. O, A Seriyasında "Napoli" ilə matça (2-1) start heyətdə başlayıb və əvəzlənmədən çıxış edib.