"Çelsi"nin kapitanı İngiltərə millisinin heyətindən çıxarıldı

İngiltərə millisində daha bir itki qeydə alınıb. “Çelsi” klubunun kapitanı Riss Ceyms “Liverpul”la keçirilən Premyer Liqa oyununda zədələnərək yığmanın düşərgəsini tərk edib.

Operativ Media xəbər verir ki, bu haqda insayder Fabrizio Romano məlumat yayıb.

Məlumata görə, müdafiəçi qarşılaşma zamanı əzələ gərginliyi hiss edib və tibbi müayinədən sonra zədəsinin təzələndiyi müəyyən olunub. Baş məşqçi Qaret Sautqeyt riskə getməmək qərarına gələrək futbolçunu heyətdən çıxarıb.

Ceymsin əvəzinə millinin düşərgəsinə “Mançester Siti”nin gənc yarımmüdafiəçisi Niko O’Rilli dəvət olunub.

Hazırda Riss Ceymsin bərpa prosesi “Çelsi”nin həkimlər briqadasının nəzarəti altında davam edir. Zədənin nə qədər ciddi olduğu yaxın günlərdə dəqiqləşəcək.