Mikayıl Cabbarov MDB oyunlarında uğur qazanan güləşçiləri təbrik edib

Azərbaycan Güləş Federasiyasının prezidenti Mikayıl Cabbarov MDB oyunlarında uğur qazanan güləşçiləri təbrik edib.

Operativ Media xəbər verir ki, bu barədə o, öz "X" hesabında paylaşım edib.

Paylaşımda deyilir:

"Azərbaycanda keçirilən III MDB Oyunlarında güləşçilərimiz uğurlu nəticələr əldə ediblər.

Yarışlarda iştirak edən 27 güləşçidən 20-si 5 qızıl, 6 gümüş və 9 bürünc olmaqla medallar qazanıb.

İdmançılarımızı, onların məşqçilərini və bütün komandanı bu nailiyyət münasibətilə səmimi-qəlbdən təbrik edir, gələcək yarışlarda onlara davamlı uğurlar arzulayırıq".