Bakı və Sumqayıtda velosiped oğruları saxlanılıb

Bakı və Sumqayıtda velosiped oğurlayan şəxslər tutulub.

"Operativ Media" xəbər verir ki, bu barədə DİN mətbuat xidməti məlumat yayıb.

Suraxanı RPİ 33-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində fevralın 28-də Yeni Günəşli qəsəbəsindəki evlərin birinin girişindən velosiped oğurlamaqda şübhəli bilinən qəsəbə sakini Seymur Məhərrəmov, Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbiri nəticəsində isə fevralın 28-də 6-cı mikrorayondakı evlərin birinin zirzəmisindən velosiped oğurlamaqda şübhəli bilinən şəhər sakini, əvvəllər məhkum olunmuş Amid Məhərrəmov saxlanılıblar. 

Hər iki faktla bağlı araşdırma aparılır.