Leandro Andrade "Atletik"lə oyun haqda paylaşım edib

"Qarabağ"ın futbolçusu Leandro Andrade Çempionlar Liqasının əsas mərhələsində İspaniya təmsilçisi "Atletik"ə uduzduqları matçla bağlı fikirlərini bölüşüb.

Operativ Media-nın məlumatına görə, 26 yaşlı yarımmüdafiəçi bu barədə şəxsi instaqram hesabında paylaşım edib.

L.Andrade məğlubiyyətdən dərs çıxaracaqlarını bildirib:

"Əgər bunu öyrənmək fürsəti kimi qəbul etsək, bu, məğlubiyyət sayılmır".

Qeyd edək ki, "Qarabağ" səfərdə rəqibinə 1:3 hesabı ilə uduzub. Azərbaycan çempionunun yeganə qoluna 1-ci dəqiqədə Leandro Andrade imza atıb.