"Qarabağ"ın rəqibi İngiltərə Liqa Kubokunda mübarizəni dayandırdı

İngiltərə Liqa Kubokunun 4-cü turunda “Liverpul” doğma meydanda “Kristal Pelas”la qarşılaşıb.

Operativ Media xəbər verir ki, “Enfild Roud” stadionunda keçirilən oyunu qonaq komanda 3:0 hesabı ilə qalib başa vuraraq adını növbəti mərhələyə yazdırıb.

“Kristal Pelas”a qələbə qazandıran qolları İsmaila Sarr (2) və Yeremi Pino vurublar. “Liverpul”un futbolçusu Amara Nallo 79-cu dəqiqədə birbaşa qırmızı vərəqə alaraq meydandan qovulub.

SON 7 OYUNDA 6 MƏĞLUBİYYƏT

“Liverpul” Premyer Liqa, Çempionlar Liqası və İngiltərə Liqa Kuboku daxil olmaqla son 7 oyunun 6-da məğlub olub.

Komandanın son 7 oyununun nəticələri belədir:

“Kristal Pelas” 2:1 “Liverpul”

“Qalatasaray” 1:0 “Liverpul”

“Çelsi” 2:1 “Liverpul”

“Liverpul” 1:2 “Mançester Yunayted”

“Ayntraxt Frankfurt” 5:1 “Liverpul”

“Brentford” 3:2 “Liverpul”

“Liverpul” 0:3 “Kristal Pelas”