Almaniyanın Frankfurt şəhərindən Afrikanın ada ölkəsi Mavrikiyaya uçan təyyarənin turbulentlik zonasına girməsi nəticəsində 20 nəfər xəsarət alıb.
"Operativ Media" xəbər verir ki, Almaniya Xəbər Agentliyinə (DPA) danışan aviaşirkətin sözçüsü Frankfurtdan Mavrikiyaya uçan “Condor DE2314” reysinin enişdən 2 saat əvvəl turbulentliyə girdiyini bildirib.
Sözçü bildirib ki, turbulans nəticəsində yaranan silkələnmə nəticəsində kabin heyəti də daxil olmaqla 20 nəfər xəsarət alıb.
Xəsarət alanların sağlamlıqlarının yoxlanıldığını qeyd edən sözçü turbulentlik zamanı təyyarənin kabinəsinin də zədələndiyini bildirib.
İçərisində 272 sərnişin və 13 nəfərlik heyət olan təyyarə yerli vaxtla saat 06:29-da Mavrikiyanın paytaxtı Port-Luis yaxınlığındakı hava limanına təhlükəsiz eniş edib.