Azərbaycan sablyaçıları Dünya Kubokunu 16-cı yerdə başa vurub
Əlcəzairdə qılıncoynatmanın sablya növü üzrə Dünya Kubokuna yekun vurulub.
Operativ Media xəbər verir ki, Zərifə Hüseynova, Səbinə Kərimova və Palina Kaspiaroviçdən ibarət komandamız ilk görüşündə Rumıniya yığmasına 45:37 hesabı ilə qalib gələrək ən güclü 16-lığa yüksəlib. Ən güclü səkkizliyə yüksəlmək uğrunda görüşdə Yaponiya seçməsinə 40:45 hesabı ilə uduzan sablyaçılarımız 9-16-cı yerlər uğrunda keçirilən qarşılaşmalarda Bolqarıstana 44:45, İtaliyaya isə 31:45 hesabı ilə məğlub olub. Komandamız 16-cı yer uğrunda keçirilən görüşdə Venesuela yığmasına 45:31 hesabı ilə qalib gəlib.
Şəxsi yarışda Palina Kaspiaroviç və Səbinə Kərimova əsas mərhələyə kimi yüksəlsə də, ən güclü 32-lik uğrunda keçirilən görüşlərdə məğlub olublar. Palina fransalı Sesiliya Berderə (11:15), Səbinə Kərimova isə ABŞ təmsilçisi Maia Çemberleynə (7:15) uduzub.
