"Sabah"ın baş məşqçisi Xınalıq kəndində oldu, uşaqlarla futbol oynadı -FOTO

"Sabah" klubunun litvalı baş məşqçisi Valdas Dambrauskas milli fasilədən istifadə edərək Quba rayonuna istirahətə gedib.

Operativ Media xəbər verir ki, o,.bu haqda "instaqram" hesabına fotolar paylaşıb.

Təcrübəli mütəxəssis Xınalıq kəndində uşaqlarla futbol oynayıb və buranı Azərbaycanın "almaz"ı adlandırıb.

"Futbol mənə dünyanı görmək, müxtəlif ölkələrdə yaşamaq, çoxlu insanlarla tanış olmaq, onların həyat tərzini və hekayələrini öyrənmək imkanı verdi. Bu dəfə məni heyran edən yer Azərbaycanın “almazı” – Xınalıq kəndi oldu. Xınalıq dünyada daimi məskunlaşmış ən qədim insan yaşayış məntəqələrindən biridir. İnsanlar burada artıq 5000 il əvvəl yaşayırdılar. Kənd dəniz səviyyəsindən 2000 metrdən çox yüksəklikdə yerləşir və ora aparan yol dağların dolama yollarından keçir. Dağların mənzərəsi və əzəməti nəfəskəsəndir. Hər anından zövq aldığım unudulmaz bir gün idi. Dağları kəşf etmək, yerli sakinlərlə çay içmək, yeni mədəniyyət haqqında öyrənmək, uşaqlarla futbol oynamaq — bunların hamısı misilsiz bir təcrübə idi. Mütləq yenidən qayıdacağım bənzərsiz bir məkan".