Bu il 27 mindən çox tələbə peşə təhsili müəssisələrinin müxtəlif ixtisaslarına qəbul olunub

Hər il 15 yeni təhsil proqramı hazırlanır, müxtəlif ixtisaslar formalaşdırılır və yeni dərsliklərin yaradılması istiqamətində ciddi iş aparılır. Bu müddətdə 70-ə yaxın yerli və xarici nəşr dərc olunub.

Operativ Media xəbər verir ki, bunu “Bir Peşənin Sirri” Festivalında Peşə Təhsili üzrə Dövlət Agentliyinin direktor vəzifəsini icra edən direktor müavini Simnar Məmmədov bildirib.

Onun sözlərinə görə, peşə təhsilinə maraq son illər əhəmiyyətli dərəcədə artıb. Belə ki, qəbul göstəriciləri 2011-ci illə müqayisədə 113 faiz yüksəlib və bu il 27 mindən çox tələbə peşə təhsili müəssisələrinin müxtəlif ixtisaslarına qəbul olunub.