İngiltərə millisinin hücumçusu bombardir oldu

“Bavariya”nın və İngiltərə yığmasının hücumçusu Harri Keyn dünya çempionatı və Avropa çempionatının seçmə mərhələsinin bombardiri olub.

Operativ Media xəbər verir ki, 2019-cu ildən bəri o, belə matçlarda 40 qol vurub ki, bu da digər Avropa millilərindən çoxdur. Portuqaliyalı hücumçu Kriştiano Ronaldonun aktivində 32 qol var.

İngiltərə DÇ-2026-nın seçmə mərhələsində 24 xal toplayaraq ardıcıl səkkiz matçda qalib gələrək "K" qrupunda inamla birinci yeri tutub. Argentina hazırkı dünya çempionudur.

2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.