Ölkəmizdə keçirilən II Təchizat Zənciri Liderləri Zirvəsi uğurla yekunlaşıb

15 noyabr 2025-ci il tarixində “Admedia” və “Facemark” şirkətlərinin təşkilatçılığı ilə Gülüstan Sarayında ölkəmizdə ikinci dəfə keçirilən Təchizat Zənciri Liderləri Zirvəsi uğurla yekunlaşdı. Zirvə Azərbaycanın strateji təchizat sektorunda yeni trendlərin müzakirə edildiyi, dövlət–özəl sektor əməkdaşlığının gücləndirildiyi və innovativ yanaşmaların paylaşıldığı mühüm platforma oldu.

Tədbir Azərbaycan Respublikasının Dövlət Himninin səsləndirilməsi ilə başlayıb və rəsmi açılış mərasimi ilə davam edib.

Tədbir “Qardaşlar Mebel”in baş sponsorluğu, “Insure.az”, “Karabakh Group”, “UPS Construction” və “Başkent” şirkətlərinin sponsorluğu ilə baş tutub.

Zirvə proqramı üç panel üzrə davam edib. “Dövlət Satınalmalarında Peşəkarlıq”, “Təchizat Zəncirinin Rəqəmsal Transformasiyası” və “Risklərin İdarə Edilməsi” mövzularını əhatə edən müzakirələrdə ümumilikdə 18 spiker çıxış edərək öz təcrübə və yanaşmalarını paylaşıb.

I PANEL — Dövlət Satınalmalarında Peşəkarlıq

Moderator: Fərəh Rəhimova – SOCAR Exploration, Satınalma və Təchizat Zənciri üzrə menecer

Spikerlər:

Əhməd Əhmədov – Vergi siyasəti baş idarəsi, Qanunvericiliyin monitorinqi və sahibkar birlikləri ilə iş idarəsinin rəisi

Vüsal Xəlilov – Mobil Group şirkətlər qrupunun təsisçisi və direktoru, TÜİB Logistika və Gömrük Komissiyasının sədri

Elşən Həsənov – Antiinhisar və İstehlak Bazarına Nəzarət Dövlət Agentliyi, Dövlət satınalmalarının təhlili şöbəsinin müdiri

Ramil Hüseynov – Dövlət Xəzinədarlıq Agentliyi, Daxili nəzarət və monitorinq şöbəsinin müdiri

Aqil Talıbov – “Karabakh Group” Kommersiya və Maliyyə departamentinin rəhbəri

Əfqan Qocayev – Azərbaycan İnvestisiya Holdinqi, Satınalma və Təchizat şöbəsinin müdiri

Panel çərçivəsində dövlət satınalmalarında şəffaflıq, idarəetmədə effektivlik və peşəkar kadr potensialının artırılması istiqamətində geniş müzakirələr aparılıb.

II PANEL — Təchizat Zəncirinin Rəqəmsal Transformasiyası

Moderator: İlqar Mehti – Ekvita şirkətinin təsisçisi və direktoru

Spikerlər:

Qabil Qasımov – İKTex MMC şirkətinin direktoru

Vüsal Şərifov – Vumes MMC, Vumart Gross, Azeriş MMC və İlçin MMC şirkətlərinin rəhbəri

Elgün Məhəmmədəlizadə – Aqrar Tədarük Təchizat İdarə Heyətinin sədri

Anar Adilzadə – “Araz” supermarketlər şəbəkəsinin İdarə Heyətinin üzvü

Paneldə süni intellekt, avtomatlaşdırma, rəqəmsal inteqrasiya və innovativ təchizat modellərinin tətbiqi kimi mövzular dərin müzakirə olunub.

III PANEL — Təchizat Zəncirində Risklərin İdarə Edilməsi

Moderator: Cəlalə Allahverdiyeva – İƏT Əmək Mərkəzi, İnzibati şöbənin rəhbəri

Spikerlər:

Vüqar Ağayev – 3Plus MMC şirkətinin həmtəsisçisi

Qəhrəman Abbasov – PASHA Management Company, Satınalma üzrə Qrup Meneceri

Elçin Əzimov – bp, Satınalmalar üzrə baş menecer

Mətin Xəlilli – SOCAR Türkiye, Satınalma və Təchizat Zəncirinin rəhbəri

Panel zamanı risklərin minimallaşdırılması, böhran dövrlərində idarəetmə strategiyaları və dayanıqlı təchizat modelləri diqqət mərkəzində olub.

Qeyd edək ki, Təchizat Zənciri Liderləri Zirvəsi hər il ölkəmizdə təchizat və logistika sektorunun inkişafına mühüm töhfə verib, yerli və beynəlxalq təcrübənin paylaşılmasını təmin etməklə yeni tərəfdaşlıqlar üçün real imkanlar yaradır.