Şahruddin Məhəmmədəliyev uzun müddətlik sıradan çıxdı

Şahruddin Məhəmmədəliyevin zədəsi ciddi imiş. Milli komandanın düşərgəsində zədələnən “Qarabağ”ın qapıçısı ili erkən başa vurub.

Ağdam klubunun mətbuat xidmətinin rəhbəri Anar Hacıyevin Operativ Media-ya verdiyi məlumata görə, qolkiperin müalicəsi vaxt aparacaq: “Şahruddinin sol bud çanağında zədəsi var. İlkin məlumata görə, 2-3 ay yaşıl meydanlardan uzaq qalacaq”.

Məhəmmədəliyev DÇ-2026-nın seçmə mərhələsində Fransa ilə keçirilən oyunda zədələnib və fasilədə əvəzlənib.