"Barselona"nın prezidenti Messinin qayıdacağı ehtimalından danışıb

"Barselona"nın prezidenti Xuan Laporta hücumçu Lionel Messinin futbolçu kimi kluba qayıdacağı ehtimalına münasibət bildirib.

Operativ Media xəbər verir ki, bu barədə jurnalist Fabrizio Romano Laportadan sitat gətirib:

"Leo Messinin futbolçu kimi qayıtması sadəcə olaraq qeyri-realdır. Onun hazırda "İnter Mayami" ilə müqaviləsi var. Klub bu gün və gələcək üçün layihə qurur. Bu, çətindir və əgər keçmişdə yaşayırsansa, irəliləməyin mümkün deyil."

Oktyabrın 23-də "İnter Mayami" 38 yaşlı argentinalı ilə müqavilənin 2028-ci ilin dekabrına qədər uzadıldığını elan edib.

Messi 2000-ci ildən 2021-ci ilədək "Barselona"da çıxış edib. O, 778 matçda 672 qol vuraraq klubun bütün zamanların ən yaxşı bombardiri olub. "Barselona" ilə 10 dəfə İspaniya çempionluğu və 4 dəfə Çempionlar Liqasının qalibi adını qa

zanıb.