Cari ilin 10 ayında baş verən partlayışlar nəticəsində 53 nəfər xəsarət alıb

Cari ilin noyabr ayının 1-nə olan məlumata əsasən ölkə üzrə ümumilikdə 39 partlayış hadisəsi qeydə alınıb.

FHN-dən Operativ Media-nın sorğusuna cavab olaraq bildirilib ki, onlardan 31-i yaşayış, 8-i isə qeyri-yaşayış obyektlərində baş verib.

Qeyd olunur ki, baş verən hadisələr zamanı 8 nəfər xilas edilib, 53 nəfər xəsarət alıb. Həmçinin, 2 nəfərin cəsədi aidiyyəti üzrə çıxarılaraq təhvil verilib.