UEFA Gənclər Liqası: "Qarabağ"ın U-19 komandası növbəti oyununa çıxacaq

“Qarabağ”ın U-19 komandası bu gün UEFA Gənclər Liqasının əsas mərhələsində növbəti oyununu keçirəcək.

Operativ Media xəbər verir ki, Rəşad Sadiqovun baş məşqçisi olduğu kollektiv İtaliyada “Napoli”nin müvafiq yaş qrupundan ibarət komandası ilə üz-üzə gələcək. V turun oyunu Bakı vaxtı ilə saat 19:00-da start götürəcək. Matçı Çexiyadan olan hakim Dominik Starı idarə edəcək.

Qeyd edək ki, əvvəlki 4 qarşılaşmada uduzan “Qarabağ”ın U-19 komandası Liqa mərhələsində sonuncu – 36-cı pillədə qərarlaşıb. Meydan sahibləri 3 xalla 25-cidir.