Qapıçılar üzrə məşqçilər üçün UEFA A kursu keçirilir

AFFA-nın təşkilatçılığı ilə Milli Komandaların Təlim-Məşq Mərkəzində qapıçılar üzrə məşqçilər üçün UEFA-nın A kateqoriyalı məşqçi kursunun III mərhələsi keçirilir.

Operativ Media xəbər verir ki, noyabrın 26-dək davam edəcək məşğələlərə təlimatçı Faiq Əzizov, UEFA-nın qapıçılar üzrə təlimatçısı Mart Poom, həmçinin fitness üzrə mütəxəssisi Patrik Foletti rəhbərlik edirlər. Onlara yerli təlimatçilar Üzeyir İbrahimov və Vitaliy Kovalyov kömək edirlər.