Koxalski "Napoli" ilə oyunda seyvlər etdi, siyahıda irəlilədi

“Qarabağ”ın qapıçısı Mateuş Koxalski (Matthew Kochalski) bu mövsüm komandasının ən uğurlu oyunçularından biridir.

Operativ Media QOL.az-a istinadən xəbər verir ki, 24 yaşlı polşalı futbolçu dünən gecə Çempionlar Liqasında “Napoli”yə qarşı səfər matçında (0:2) da inamlı oyunu ilə fərqlənib. O, 56-cı dəqiqədə Rasmus Heylunun vurduğu penaltini qaytara bilib. Ümumən isə Koxalsli “Napoli” ilə görüşdə düz 8 dəfə seyv edib.

Bu əla göstərici sayəsində Mateus UEFA Çempionlar Liqasının Liqa mərhələsindəki seyvlərinin sayını 17-ə çatdırıb. Bu nəticə ilə o, yarışda ən çox seyv qapıçıları siyahısında 11-ci yürə yüksəlib.

UEFA-nın statistik hesabatına əsasən ilk 11-lik isə belədir:

1. Nikita Haykin (“Bodo”/“Glimt”) - 31 seyv

2. Xeronimo Rulyi (“Olimpik”) - 29

3. Tibo Kurtua (“Real”) - 22

4. Nik Poup (“Nyukasl”) - 21

5. Neofitos Mixail (“Pafos”) - 20

6. Marko Karnesekki (“Atalanta”) - 18

7. Mark Flekken (“Bayer”) - 18

8. Nordin Yakers (“Brügge”) - 18

9. Vanya-Milinkoviç Saviç (“Napoli”) - 18

10. Anatoli Trubin (“Benfika”) - 18

11. Mateuş Koxalski (“Qarabağ”) - 17